ഞാൻ ആഘോഷിക്കാൻ ഇഷ്ടപ്പെടുന്ന ദീപാവലി

ദീപാവലിയുടെ പുറകിൽ അനേകം ഐതീഹ്യങ്ങൾ പറയപ്പെടുന്നുണ്ടെങ്കിലും എനിക്കിഷ്ടം ശ്രീരാമ ചന്ദ്രൻ വനവാസ ശേഷം അയോദ്ധ്യയിലേക്ക് മടങ്ങിവന്ന ദിനത്തെ അനുസ്മരിക്കാനാണ്...

ഭഗവാൻ ശ്രീരാമനെ രാജാവാക്കാൻ അയോദ്ധ്യയിലെ ജനങ്ങൾ ഒരുക്കിയ അലങ്കാരങ്ങളെ സാക്ഷിയാക്കി തങ്ങളുടെ പ്രിയ രാജകുമാരൻ വനവാസത്തിന് നിശ്ചയിക്കപ്പെട്ടുവെന്ന് അറിയുന്ന നിമിഷം മുതൽ അയോദ്ധ്യ കണ്ണീരണിയുകയാണ്....

ഭൂമിപിളരും പോലെയാണ് അയോദ്ധ്യവാസികൾക്ക് ആ നിമിഷം അനുഭവപ്പെട്ടത്...

രാജ്യത്ത് തങ്ങിനിന്ന തേങ്ങലുകൾ ഭേദിച്ചുകൊണ്ട് രാമൻ വനത്തിലേക്ക് പോകുമ്പോൾ അയോദ്ധ്യയിലെ പുൽനാമ്പ് പോലും കരഞ്ഞിട്ടുണ്ടാകും...

അങ്ങനെ 14 വർഷം ദുഃഖത്തിലാണ്ട് കിടന്ന അയോദ്ധ്യരാജ്യത്തേക്ക് തങ്ങളുടെ രാജകുമാരൻ തിരികെ വരുന്നു എന്നറിയുമ്പോൾ അവിടുത്തെ ജനങ്ങൾ എത്രമാത്രം സന്തോഷിക്കുന്നുണ്ടാകും...

തിരികെവരുന്ന ഭഗവാൻ ശ്രീരാമചന്ദ്രൻ രാജാവായി പട്ടാഭിഷേകം ചെയ്യപ്പെടുമെന്ന് അറിയുമ്പോൾ അവരുടെ സന്തോഷത്തിന് അതിരുകൾ ഇല്ലാതായിക്കാണില്ലേ...

അങ്ങെനെയുള്ള ദിനത്തിൽ അയോദ്ധ്യയിലെ ജനങ്ങൾ അനേക ലക്ഷം ദീപങ്ങളാൽ രാജ്യത്തെ ദീപാലാംകൃതമാക്കിയും പരസ്പരം മധുരം പങ്കുവെച്ചും വാദ്യഘോഷങ്ങൾ മുഴക്കിയും തന്റെ രാജാവിനെ വരവേൽക്കുന്ന നിമിഷം രോമാഞ്ചത്തോടെ അല്ലാതെ നിറകണ്ണുകളോടെ അല്ലാതെ ചരിത്രത്തെ സ്മരിക്കുന്നവർക്ക് സങ്കൽപ്പിക്കാൻ പോലും സാധിക്കുകയില്ല...

മടങ്ങി വരുന്ന ഭഗവാൻ ശ്രീരാമനെ നേരിൽ കാണുന്ന നിമിഷം കണ്ണീരണിയാത്ത ആരെങ്കിലും അയോദ്ധ്യയിൽ ഉണ്ടാകുമോ... 🥰

എന്റെ രാമന്റെ  മടങ്ങിവരവ് അയോദ്ധ്യ ആഘോഷമാക്കിയ ദിനമാണ് ദീപാവലിയെന്നത് എത്ര ശ്രേഷ്ഠമാണ്....

ഹേ രാമ...

ഇതാ അങ്ങയുടെ തിരിച്ച് വരവ് ഒരിക്കൽ കൂടി ഭാരതം ആഘോഷമാക്കാൻ പോവുകയാണ്...

ഞങ്ങൾ അതിനായി കാത്തിരിക്കുകയാണ്...

ഈ കാലഘട്ടത്തിൽ ഇതിനെല്ലാം സാക്ഷ്യം വഹിക്കുന്ന ഞാനെത്ര സൗഭാഗ്യവാനാണ്...

വിദേശ മോഡലിൽ കേരളത്തിൽ പിടിമുറുക്കുന്ന മയക്കുന്നരുന്ന് ലോബിയെപ്പറ്റി 26.08.2022 ജന്മഭൂമി പത്രത്തിൽ ഞാൻ എഴുതിയ ലേഖനം.

എത്ര സുന്ദരമാണ് ഇന്ത്യയുടെ ജനാധിപത്യം...

എത്ര സുന്ദരമാണ് ഇന്ത്യയുടെ ജനാധിപത്യം...!

ഭരണപക്ഷം എടുക്കുന്ന നിലപാടുകളിൽ എപ്പോഴും പ്രതിപക്ഷത്തിന്റെ തന്ത്രങ്ങളെ തകർക്കാൻ പോന്ന ബ്രഹ്മാസ്ത്രങ്ങൾ ഉണ്ടാകും. അത് ജനാധിപത്യത്തെ കൂടുതൽ കൂടുതൽ ശക്തമാക്കും. മറിച്ചാണെങ്കിലും ഇന്ത്യൻ ജനാധിപത്യത്തിൽ അത് സംഭവ്യമാണ്. ഭരണകക്ഷിയുടെ തന്ത്രത്തെ നിലം പരിശാക്കാൻ ശക്തിയുള്ള പ്രതിപക്ഷത്തിന് സാധിക്കും.

ശ്രീമതി ദ്രൗപദി മൂർമു അത്തരത്തിൽ ഭരണപക്ഷം തൊടുത്ത ഒരു ബ്രഹ്മാസ്ത്രമാണ്. എല്ലാ അർത്ഥത്തിലും ഇന്ത്യൻ ജനാധിപത്യത്തെ കൂടുതൽ ശക്തമാക്കിയ ഒരു ബ്രഹ്‌മാസ്ത്രം.

അതിലൂടെ ഭാരതത്തിന് ലഭിച്ചതോ ഒഡീഷയിലെ ഒരു വില്ലേജിൽ നിന്നും രാഷ്ട്രപതി ഭവന്റെ പടവുകൾ നടന്ന് കയറി ഇതൊന്നും ആർക്കും അന്യമല്ലെന്ന് സുവർണ്ണ ലിപിക്കൊണ്ട് ചരിത്രമെഴുതി ചേർത്ത രാഷ്ട്രപതിയും...

ഇതൊക്കെ തന്നെയാണ് ഇന്ത്യൻ ജനാധിപത്യത്തിന്റെ സൗന്ദര്യവും.

കേന്ദ്ര സർക്കാരിന്റെ സഞ്ജീവനി മൊബൈൽ ആപ്പ് വഴി ഒരു ഡോക്ടറെ കാണൽ

രാവിലെ എഴുന്നേൽറ്റത് മുതൽ കഴുത്തിന് വല്ലാത്ത വേദനയായിരുന്നു.

ഒരു മണിക്കൂർ കൂടി കഴിഞ്ഞപ്പോൾ വേദന കൂടി, കിടക്കാനോ ഇരിക്കാനോ കഴിയാൻ സാധിക്കാത്ത അത്ര വേദന. ആശുപത്രിയിലേക്ക് പോകണമെന്ന് ആഗ്രഹം തോന്നിയെങ്കിലും സഹിക്കാൻ ആകാത്ത വേദന കാരണം പുറത്തേക്ക് ഇറങ്ങാൻ നിവർത്തിയില്ല. അങ്ങനെ വിക്സ് പുരട്ടി വീട്ടിൽ തന്നെ കഴിച്ചുകൂട്ടി.

വേദനക്കൂടിക്കൂടി വന്നതിനാൽ ഒടുവിൽ കേന്ദ്ര സർക്കാരിന്റെ ഓൺലൈനായി ഡോക്ടറെ കാണുന്ന സേവനമായ സഞ്ജീവിനി ആപ്പ് ഒന്ന് പരീക്ഷിക്കാം എന്ന് കരുതിയത്. ആപ്പ് ഡൗൺലോഡ് ചെയ്ത് എന്റെ സ്ഥലവും ഭാഷയുമെല്ലാം കൊടുത്ത് 5 മിനിറ്റിനുള്ളിൽ ലോഗിൻ കംപ്ലീറ്റ് ചെയ്തു.

കേന്ദ്രസർക്കാരിന്റെ ഡോക്ടർ ആണെന്ന് പറഞ്ഞപ്പോൾ ഹിന്ദിയോ ഇംഗ്ളീഷോ ആണ് പ്രതീക്ഷിച്ചത്. പ്രതീക്ഷതിന് വിപരീതമായി വീഡിയോ കാൾ കണക്ട് ആയത് തിരുവനന്തപുരത്തുള്ള സർക്കാർ ക്യാൻസൽട്ടിങ്ങ് കേന്ദ്രത്തിലേക്കാണെന്ന് എഴുതികാണിച്ചു.

ഒരു മലയാളി ഡോക്ടർ എന്റെ മുന്നിൽ പ്രത്യക്ഷപ്പെട്ടു. ഡോക്ടർ വളരെ സൗമ്യതയോടെ എന്റെ രോഗവിവരങ്ങൾ ചോദിച്ച് മനസിലാക്കി മരുന്ന് കുറിച്ചു. അങ്ങനെ പത്ത് മിനുറ്റുകൊണ്ട് സൗജന്യമായി ഡോക്ടറെ കണ്ടു.

വീഡിയോ കാൾ ഡിസ്കണക്ട് ആകുമ്പോൾ പ്രൊഫൈലിൽ നിന്ന് മരുന്നിന്റെ വിവരങ്ങൾ എടുക്കാമെന്ന് ഡോക്ടർ തന്നെ ആപ്പിന്റെ രീതികൾ പരിചയപ്പെടുത്തിത്തന്നു.

കാൾ ഡിസ്കകണക്ട് ആയതും സെക്കന്റുകൾക്കുള്ളിൽ ആവശ്യമായ മരുന്നുകൾ പ്രിസ്ക്രിപ്ഷനിൽ വന്നു.

അനിയനെ മെഡിക്കൽ ഷോപ്പിൽ വിട്ട് മരുന്ന് വാങ്ങിപ്പിച്ചു.

മെഡിക്കൽ ഷോപ്പിൽ 60 രൂപയാണ് മരുന്നിന് ആകെ ചിലവ് വന്നത്.

എത്ര ലളിതമാണ് ഇപ്പോൾ കാര്യങ്ങൾ...

10 മിനുറ്റ് പോലും വേണ്ടിവന്നില്ല ഒരു ഡോക്ടറെ കാണാൻ!

ഞാൻ പോലും കേന്ദ്ര സർക്കാരിന്റെ ഈ സേവനം ആദ്യമായാണ് ഉപയോഗപ്പെടുത്തിയത്. നമ്മളിൽ പലരും ഇത് ഉപയോഗപ്പെടുത്തിയിട്ടുണ്ടാവില്ല. നമുക്ക് മാത്രമല്ല കേട്ടോ നമ്മുടെ വീട്ടിലെ മറ്റ് അംഗങ്ങൾക്കും ഇതുപോലെ ഡോക്ടറുടെ സേവനം ലഭിക്കാൻ ആപ്പിൽ സൗകര്യമുണ്ട്. ഈ കൊറോണ കാലഘട്ടത്തിൽ ഈ സേവനം ഉപയോഗപ്പെടുത്തുന്നത് വഴി പ്രായമായവർക്കൊക്കെ എത്രയോ ഉപകാരകാരമാണ്.

നമ്മുടെ ഇന്ത്യയിൽ കിടക്കുന്ന മുറിയിൽ നിന്ന് പുറത്തിറങ്ങാതെ നമുക്കിപ്പോൾ ഗവണ്മെന്റ് ഡോക്ടറെ കാണാം എന്നുള്ളത് അഭിമാനകരം തന്നെയാണ്.

ഇത്രയും ഉപകാരിയായ ഒരു ആപ്ലിക്കേഷനെ നിങ്ങൾക്ക് പരിചയപ്പെടുത്തണം എന്ന് തോന്നിയതിനാലാണ് ഇതിവിടെ കുറിക്കുന്നത്. ആപ്പിന്റെ ലിങ്ക് താഴെ ചേർക്കുന്നു.

ഓർമയിൽ വെക്കു, എപ്പോഴെങ്കിലും നിങ്ങൾക്കും ഉപകാരം വന്നേക്കാം..

എല്ലാവർക്കും രോഗങ്ങളില്ലാത്ത നല്ലൊരു പുതുവർഷം ആശംസികുന്നു.

Sanjeevani Mobile App

Facebook post Link -Jishnu Aluva

വികസന സ്വപ്നം തീണ്ടാത്തവർ!

300 രൂപയുടെ കിറ്റ് കൊടുത്ത് പറ്റിക്കാൻ പറ്റുന്ന ജനതയെ വൈറ്റില ബ്രിഡ്ജ് കാണിച്ച് പറ്റിക്കുമ്പോൾ എനിക്ക്‌ അത്ഭുതമൊന്നും തോന്നുന്നില്ല.

യഥാർത്ഥത്തിൽ വികസനത്തെ പറ്റിയുള്ള കാഴ്ചപ്പാട് മലയാളിക്ക് നഷ്ടമായതാണോ കാരണമെന്ന് പരിശോധിക്കപ്പെടേണ്ടതാണ്. അതുകൊണ്ടാണ് ആലപ്പുഴ ബൈപ്പാസും വൈറ്റില ഓവർ ബ്രിഡ്ജുമെല്ലാം നമുക്ക് ആഘോഷിക്കാൻ സാധിക്കുന്നത്.

മിനിമം അയൽ സംസ്ഥാനത്തേക്ക് എങ്കിലും നമുക്ക് നോക്കാൻ തോന്നണ്ടേ? അവിടൊക്കെ 10 കൊല്ലം മുൻപ് നടന്ന പ്രോജക്ടുകളാണ് നമ്മളിപ്പോൾ ആളും പഞ്ചാരിയുമായി നടത്തുന്നത്!

മലയാളി മുന്നിലാണ് എന്ന് പറയുമ്പോഴും നാടിന്റെ വികസനകാര്യത്തിൽ ബഹുദൂരം പിന്നലാണ് നമ്മളിപ്പോഴും. സ്വന്തമായി അധ്വാനിച്ച് വീടും ബൈക്കും കാറുമെല്ലാം ഉള്ളതിനാൽ മലയാളി ഹാപ്പിയാണ്. അതിനപ്പുറം ഒന്നും ചിന്തിക്കാത്ത ജനത!

പക്ഷെ മലയാളി ഉണ്ടാക്കിയതെല്ലാം നമ്മുടെ വിയർപ്പാണ് അല്ലാതെ ഒരു സർക്കാരിന്റെയും കനിവല്ല.

താരതമ്യേന ജനസംഖ്യ കുറഞ്ഞ കേരളം പോലൊരു സംസ്ഥാനത്തെ അഴിമതിയില്ലാതെ ഭരിച്ചാൽ 10 കൊല്ലം കൊണ്ട് വികസിത വിദേശ രാജ്യം പോലെയാക്കി മാറ്റാൻ സാധിക്കും.

പക്ഷെ അഴിമതി ഇല്ലാതെ ഭരിക്കണം.

ചിത്രം:Kathipara ഓവർ bridge,Chennai

ഇടത് സർക്കാരിന്റെ 118A

നവമാധ്യമ ലോകത്ത് ആരേയും അപമാനിക്കാം അപകീർത്തിപ്പെടുത്താം എന്ന സാഹചര്യമാണ് നിലവിലുള്ളത്. ഇതിനെതിരെയുള്ള നിയമങ്ങൾ സ്വാഗതം ചെയ്യപ്പെടേണ്ടതാണ്.

പക്ഷെ ഇടത് പക്ഷം നേതൃത്വം നൽകുന്ന ഒരു സർക്കാരും പോലീസും അത് ചെയ്യുമ്പോൾ പൊതുജനം ഭയപ്പെടുന്നു. നിയമ സുരക്ഷിതത്വം മുഖ്യമന്ത്രി വാഗ്ദാനം ചെയ്യുമ്പോഴും കേരളത്തിലെ വലിയ വിഭാഗം മുഖ്യമന്ത്രിയെ വിശ്വസിക്കാൻ തയ്യാറാവുന്നില്ല.

കാരണം 100% ആ നിയമം ദുരുപയോഗം ചെയ്യപ്പെടും എന്ന് കേരളത്തിലെ മയിൽകുറ്റികൾ പോലും വിശ്വസിക്കുന്നു.

ഇവിടെയാണ് മോദിയെന്ന ഭരണാധികാരി വ്യത്യസ്തമാവുന്നത്.

നോട്ട് നിരോധിച്ചു...

370 വകുപ്പ് എടുത്ത് കളഞ്ഞു...

CAA നടപ്പിലാക്കി...

അയോദ്ധ്യ വിഷയം പരിഹരിച്ചു...

മുതലാഖ്‌ നിരോധിച്ചു...

ഇന്ത്യ കണ്ടതിൽ ഏറ്റവും ദുർഗടമായ ഈ നിയമങ്ങൾ പാസ്സാക്കുമ്പോൾ മോദിയെന്ന ഭരണാധികാരിയിൽ ജനം അർപ്പിച്ച വിശ്വാസമാണ് ഒരടി പിന്നോട്ട് പോകാതെ സർക്കാർ നിൽക്കാൻ കാരണം. എതിർപ്പുകൾ ഉണ്ടാകുമ്പോഴും വലിയ വിഭാഗം ആളുകൾ പിന്തുണക്കുന്നത് സർക്കാരിനെ ഭയരഹിതമാക്കുന്നു.

ഒരു ഭരണകൂടത്തിൽ ജനത്തിന് എത്രമാത്രം വിശ്വാസം നഷ്ടപ്പെട്ടുകഴിഞ്ഞു എന്നതിന്റെ ഉദാഹരണമാണ് 118A പിണറായി സർക്കാരിന് പിൻവലിക്കേണ്ടി വന്നത്.

വിശ്വാസം നഷ്ടപ്പെട്ടവന്റെ സ്ഥാനം വീട്ടിൽ പോലും വരാന്തയിലായിരിക്കും.

 

ഇന്ത്യയുടെ ആത്മാവ്

പല മതമെങ്കിലും

പല ജാതിയെങ്കിലും

പല നിറമെങ്കിലും 

പല ഭാഷയെങ്കിലും 

പല വേഷമെങ്കിലും 

ഏതൊന്നാണോ എന്നെയും നിന്നെയും ഈ രാജ്യത്ത് പരസ്പരം ബന്ധപ്പെടുത്തുന്ന ഘടകം അതാണ്‌ ഇന്ത്യയുടെ ആത്മാവ്...

അത് ഭാരതം എന്റെ അമ്മയാണ് എന്ന വികാരത്തിനപ്പുറം ശ്രേഷ്ഠമായ മറ്റൊന്നുണ്ടെന്ന് ഞാൻ വിശ്വസിക്കുന്നില്ല. 

ഭാരതമാതാവൊരു സങ്കല്പമല്ല യാഥാർഥ്യമാണ്.